मुम्बई, जेठ २८ । बलिउड अभिनेत्री तथा सांसद कंगना रनौतलाई महिला प्रहरीले चण्डिगढको एयरपोर्टमा थप्पड हानेको घटनाको बारेमा बलिउड अभिनेता ऋतिक रोशनले मुख खोलेका छन् ।
यो प्रकरणमा ऋतिकले कंगनाको समर्थन गर्दै उनको पक्षमा बोलेका छन् । त्यसपछि अहिले यी दुबैको चर्चा चुलिएको छ ।
यद्यपि, एउटा त्यस्तो समय पनि थियो, जतिबेला कंगना र ऋतिकको गहिरो प्रेम–सम्बन्ध थियो । त्यसपछि दुबैको शत्रुता पनि गहिरो नै रह्यो, जसका लागि दुबैलाई अदालतसम्म पुर्यायो ।
कंगनाका अनुसार ऋतिक र उनी रिलेशनशिपमा भएको र पछि ऋतिकले उक्त सम्बन्धलाई अस्वीकार गरेपछि कंगनाले ऋतिकविरुद्ध एक्शन लिएकी थिइन् ।
कंगनाको लीगल नोटिस जारी गरेपछि ऋतिकले पनि कंगनालाई नोटिस पठाएका थिए । उनले कंगनालाई आफूहरुको अफेयर भएको कुरा फिर्ता लिन भनेका थिए ।
त्यो समयमा ऋतिकले भनेका थिए – ‘कंगनाले आफ्नो दिमागी स्वास्थ्यको जाँच गराउनु आवश्यक छ । उनको मानसिक स्थिति ठिक छैन ।’
यसको जवाफमा कंगनाले पनि ऋतिक स्वयं मानसिक समस्याको सामना गरिरहेको बताएकी थिइन् ।
