‘तुझे देखा तो ये जाना सनम’ बन्यो बेलायतमा सर्वाधिक रुचाइएको गीत

‘तुझे देखा तो ये जाना सनम’ बन्यो बेलायतमा सर्वाधिक रुचाइएको गीत : Icon Khabar

मुम्बई, जेठ २२ । फिल्म ‘दिलवाले दुल्हनिया ले जाएंगे’ को गीत ‘तुझे देखा तो ये जाना सनम’ बेलायतमा सर्वाधिक रुचाइएकोमा परेको छ ।

बलिउड निर्माता आदित्य चोपडाको उक्त फिल्मको गीतलाई बीबीसीले ९० को दशकको लोकप्रिय बलिउड गीतका रुपमा छनोट गरेको हो ।

यो फिल्म बलिउडको इतिहासमा सर्वकालिक ब्लकबस्टर हो । शाहरुख खान र काजोललाई कयौं पुस्तासम्म लोकप्रिय फिल्म स्टार बनाउने श्रेय यही फिल्मलाई जान्छ ।

यो फिल्मले बलिउडको इतिहासमा सर्वाधिक लामो समयसम्म प्रदर्शनको रेकर्डसमेत राखेको छ । यो फिल्म अहिले पनि मुम्बईको प्रतिष्ठित मराठा मन्दिर थिएटरमा हरेक दिन देखाइन्छ ।

बीबीसीको एसियाई नेटवर्कले स्रोताहरुलाई ५० दाबेदारीको सूचीमा ९० को दशकको सर्वश्रेष्ठ बलिउड गीत छनोट गर्नका लागि निमन्त्रणा गरेको थियो ।

स्टेसनका प्रस्तुतकर्ता हारून रशीद, निकिता काण्डा, गगन ग्रेवाल र नादिया अलीसँगै उद्योग विशेषज्ञ असीम बर्नी, अमृता तन्ना र करण पंगालीले गीतहरुको सर्ट लिस्ट तयार पारेका थिए ।

जसमा फिल्म ‘ये दिल्लगी’को ‘ओले ओले’देखि लिएर ‘खामोशीः द म्यूजिकल’को गीत ‘बाहों के दरमियान’ जस्ता गीत थिए । यद्यपि अधिकांशले सन् १९९५ को ब्लकबस्टर फिल्म ‘दिलवाले दुल्हनिया ले जाएंगे’को ‘तुझे देखा तो ये जाना सनम’लाई भोट गरेका थिए ।

डीडीएलजे राज भन्ने युवकको कथा हो, जुन चरित्रमा अभिनेता शाहरुख खान छन् र फिल्ममा काजोलले सिम्रनको भूमिका निर्वाह गरेकी छन् । यी दुवै लण्डनमा बस्ने भारतीय हुन्छन् ।

यो गीतमा कुमार सानु र लता मंगेशकरको स्वर छ । यो गीत यो दशकको संगीत स्ट्रीमिङ प्लेटफर्मममा सर्वाधिक बज्ने गीतमध्ये एक हो ।

Published Date: 04 June 2024
Website | + posts






ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
भक्तपुरमा लागूऔषधसहित दुई जना पक्राउ