काठमाडौं, जेठ ७ । नेप्से सूचक सोमबार २७.५४ विन्दुले बढेर २०९२ अंकमा आएको छ । ५ अर्ब ८५ करोड रुपैयाँभन्दा बढीको सेयर कारोबार भएको छ ।
आज ४ कम्पनीमा सकारात्मक सर्किट लागेको हो । १३ मध्ये ८ समूहका सूचक बढेको छ । सबैभन्दा बढी बैंकिङ समूह ४.१८ प्रतिशतले बढेको छ ।
आज ३१५ कम्पनीको १ करोड ४३ लाखभन्दा बढी कित्ता सेयर कारोबार भएको छ । १९ करोड ९२ लाख रुपैयाँभन्दा बढीसहित कारोबार रकममा पोखरा फाइनान्स अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः सीइडीबी हाइड्रोपावर र फस्ट माइक्रोफाइनान्स परेका छन् ।
