काठमाडौं, जेठ ७ । सुन–चाँदीको भाउले आज (जेठ ७ गते) अर्को नयाँ रेकर्ड कायम गरेको छ ।
नेपाल सुन–चाँदी व्यवसायी महासंघका अनुसार सोमबार छापावाल सुनको भाउ प्रतितोला ९०० रुपैयाँले बढेर १ लाख ४१ हजार ८०० रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख ४१ हजार १०० रुपैयाँ निर्धारण भएको छ । यसअघि आइतबार (जेठ ६ गते ) सुनको मुल्यमा नयाँ रेकर्ड कामय भएको थियो ।
सो दिन छापावाल सुन प्रतितोला १ लाख ४० हजार ९०० रुपैयाँमा कारोबार भएको थियो । यसैगरी, तेजावी सुनको भाउ प्रतितोला १ लाख ४० हजार २०० रुपैयाँ निर्धारण भएको थियो ।
यता, आज चाँदीको भाउ पनि प्रतितोला ३० रुपैयाँले बढेर १९ सय ३० रुपैयाँ कायम भएको छ । यो हालसम्मकै उच्च मूल्य हो । यसअघि आइतबार (जेठ ६ गते ) चाँदीको मुल्यमा नयाँ रेकर्ड कामय भएको थियो । सो दिन चाँदी प्रतितोला १९ सय १० रुपैयाँमा कारोबार भएको थियो ।
Published Date: 20 May 2024
