काठमाडौं, चैत २५ । केही दिनयता देशभर तापक्रम बढ्दो क्रममा रहेको छ । जसका कारण गर्मी महसुस हुन थालेको छ । पहाडी क्षेत्रमा पर्ने काठमाडौं उपत्यकामा समेत बिहान–बेलुका हल्का चिसो भए पनि दिउँसो चर्काे घाम लागेर गर्मी हुन थालेको छ ।
मौसम पूर्वानुमान महाशाखाले आइतबार बिहान पौने ९ बजे सार्वजनिक गरेको १६ स्थानको विवरणमध्ये भैरहवाको अधिकतम तापक्रम सबैभन्दा बढी ४०.२ डिग्री सेल्सियस मापन गरिएको छ । शनिबार बिहान भैरहवाको अधिकतम तापक्रम ३९.५ डिग्री सेल्सियस थियो ।
यस्तै, नेपालगञ्जमा ३६.६, धनगढीमा ३६.५, सिमरामा ३६.४ र काठमाडौंमा ३१.२ डिग्री सेल्सियस तापक्रम पुगेको छ । आज सबैभन्दा कम तापक्रम २२.३ डिग्री सेल्सियस मापन गरिएको छ ।
