काठमाडौं, चैत २४ । नायिका उपासना सिंह ठकुरी र नायक धिरज मगरले फिल्म ‘खुस्मा’मा काम गर्दैछन् । यो फिल्मको एक चरणको छायांकन भइसकेको छ भने अर्को चरणको छायांकन बाँकी छ ।
उसो त, नायिका ठकुरीलाई नायक धिरज मगरसँग काम गर्ने रहर पहिलेदेखि नै थियो । पहिलो पटक पर्दा शेयर गर्दा उनी उत्साहित छिन् ।
सार्वजनिक कार्यक्रममा पनि धिरज र उपासना एकसाथ अतिथि बन्ने गरेका छन् । एक कार्यक्रममा पनि यी दुई मुख्य अतिथि बनेर पुगे । सो कार्यक्रममा समाजसेवाको विषयमा सोधिएको प्रश्नमा धिरजले आफ्नो मनको कुरा व्यक्त गरे । उनले, समाजसेवा देखावटी कुरा नभएको बताएका थिए ।
मिडियाकर्मीले सोही प्रश्न उपासनालाई पनि सोधे । उनले धिरजले भनेको कुरा नै आफ्नो भनाई रहेको बताइन् ।
