काठमाडौँ, चैत १९ । रोड्रिगोको २ गोलमा शीर्षस्थानको रियल मड्रिडले स्पानिस ला लिगामा आइतबार एथ्लेटिक क्लबलाई २-० ले पराजित गरेको छ ।
घरेलु मैदानमा भएको खेलमा रोड्रिगोले दुवै हाफमा गोल गरे । ब्राहिम डियाजको पासमा रोड्रिगोले आठौं मिनेटमा पहिलो गोल गरेका थिए । ७३ औं मिनेटमा उनले अर्को गोल गरेका थिए। जुड बेलिङघहमको पासमा त्यो गोल गरेका हुन्।
रियलको ३० खेलबाट ७५ अंक पुगेको छ । दोस्रो स्थानको बार्सिलोनाको ६७ अंक छ । एथ्लेटिक ५६ अंकसहित चौथो स्थानमा छ।–एजेन्सी
