काठमाडौं, फागुन २७ । आइसीसी टि२० विश्वकपको लागि तयारीस्वरूप नेपाली राष्ट्रिय पुरुष क्रिकेट टोलीको हङकङ भ्रमण अन्तर्गत त्रिकोणात्मक सिरिजमा आज पहिलो खेल हुँदैछ ।
सिरिजको पहिलो खेलमा नेपाल र हङकङ खेल्नेछन् । शनिबार भएको फ्रेन्डसिप कपमा नेपाल हङकङसँग ७३ रनले पराजित भएको थियो । उक्त हारको बदलासहित नेपाल सिरिजमा सुखद सुरुवात गर्ने सोचमा हुनेछ ।
मार्च १२ मा पिएनजीले नेपाल र हङकङ दुवैसँग खेल्नेछ । मार्च १३ मा फाइनल हुनेछ । लिग तालिकामा तेस्रो हुने टोलीले हङकङ ए सँग टि२० खेल खेल्नेछ ।
नेपाली टोली : रोहित पौडेल, कुशल भुर्तेल, विनोद भण्डारी, गुलशन झा, सन्दीप जोरा, आरिफ शेख, विवेक यादव, करण केसी, अभिनाश बोहोरा, राशीद खान, प्रतिश जिसी, सागर ढकाल, आकाश चन्द र लोकेश बम ।
Published Date: 10 March 2024
