काठमाडौँ, फागुन २० । चितवनको रत्ननगर नगरपालिका–१० स्थित शिशु निकेतन विद्यालयभित्र मृत भेटिएकी शालिन पोखरेलको बलात्कार नभएको पोस्टमार्टमबाट पुष्टि भएको छ । त्रिवि शिक्षण अस्पतालमा गरिएको पोस्टमार्टममा बलात्कार वा यौनजन्य अपराधका कुनै संकेत नभेटिएको बताइएको छ ।
चिकित्सहरूले पोष्टमार्टम रिपोर्ट चिवतन प्रहरीलाई हस्तान्तरण गरेका छन् । रिपोर्टमा उनको मृत्युको कारण ‘झुण्डिनु’ उल्लेख गरिएको छ । मृतकका परिवारले उनीमाथि बलात्कार भएको दाबी गरे पनि पोष्टमार्टम रिपोर्टले भने बलात्कार नभएको पुष्टि गरेको हो । रिपोर्टका अनुसार उनको कन्याजाली च्यातिएको छैन ।
यो प्रकरणमा विद्यालयका प्रिन्सिपल, सहायक प्रिन्सिपल र होस्टलका वार्डेनलाई पक्राउ गरी प्रहरीले अनुसन्धान गरिरहेको छ । पोखरेल होस्टलमा झुण्डिएको अवस्थामा फेला परेकी थिइन् । होस्टलमा सुसाइड नोट समेत फेला परेको प्रहरीले जनाएको छ ।
Published Date: 03 March 2024
