भक्तपुर, फागुन १९ । भक्तपुर युवा टीमको आयोजनामा शुक्रबारदेखि सुरू भएको तेश्रो भक्तपुर कप २०८० आज पनि चालु रहयो।
आज दोश्रो दिनमा दुईवटा खेलहरु सम्पन्न भए।
दोश्रो दिन झौखेल युनाइटेड र श्रीजनानगर फूटबल क्लबबीच भएको खेलमा झौखेल युनाइटेडले श्रीजनानगर फूटबल क्लबलाई ४-१ ले पराजित गरि दोश्रो चरणमा प्रवेश गरेको छ।
सो खेलमा झौखेल युनाइटेडका जर्सी नं २ का सन्जोग महर्जन उत्कृष्ट घोषित भए भने श्रीजनानगर फूटबल क्लबका जर्सी नं २० का गोलकिपर जित घले उदयीमान खेलाडी घोषित भए।
आजै द राइजिङ्ग बुङ्गा युवा क्लब र भक्तपुर नगरपालिकाबीच भएको खेल बराबरी भएर पेनाल्टी सूट आउटमा द राइजिङ्ग बुङ्गा युवा क्लबले भक्तपुर नगरपालिकालाई ३-१ गोलले पराजित गर्यो।
सो खेलमा द राइजिङ्ग बुङ्गा युवा क्लबका कपिल प्रजापति उत्कृष्ट घोषित भए भने भक्तपुर नगरपालिकाका रूजल कवां उदयीमान खेलाडी घोषित भए।
खेल भोलि पनि जारी रहनेछ।
