भक्तपुर, माघ ११ । आज छ्याला पुन्ही। हरेक वर्षको पौष शुक्ल पुर्णिमालाई नेपाल भाषामा छ्याला पुन्ही भनिन्छ । नेवार समुदायमा रहेको विभिन्न पर्वहरु कृषि र सरसफाइ संग सम्बन्धित रहेको हुन्छ ।
यो पुर्णिमालाई पनि सरसफाइ गर्ने पर्वको रुपमा लिइन्छ । आजको दिन घरमा वर्ष भरि प्रयोग गरि टुटेका फुटेका माटोका सामानहरु घर नजिक रहेको “छ्वास” मा मिल्काउने गर्दछ । माटोको सामान भन्नाले घ:, स्वमा, टेप, अथ, कलाचा, गोप भाजं, भेग:, आदि हुन ।
घरमा पुरानो चर्के फुटेको भाडा राखिराख्दा अशुभ हुने जनविश्वास रहेकोले वर्षमा एक पटक छ्याला पुन्हीको दिन पुराना भाडा चोकमा फाल्न लाने बताउछन ।
आजकै दिनबाट नै काठमाडौंको साँंखुमा माधवनारायणको स्वस्थानी ब्रत भक्तपुरको हनुमानघाटमा माधवनारायणको ब्रत सुरु हुने परम्परा छ । साथै यही दिनबाट घरघरमा स्वस्थानी कथा वाचन गर्ने क्रम पनि सुरु हुन्छ ।
Published Date: 25 January 2024
