काठमाडौं, माघ ९ । रिलायबल नेपाल लाइफको लाभांश सुरक्षित गर्ने माघ १४ गते अन्तिम दिन रहेको छ । कम्पनीले साधारण सभा तथा लाभांश वितरण प्रयोजनका लागि माघ १५ गते एक दिनका लागि बुकक्लोज गर्ने भएको छ। यस अनुसार माघ १४ गतेसम्म नेप्सेमा कारोबार भइ कायम शेयरधनीहरुले इन्स्योरेन्सको साधारण सभामा सहभागिता जनाउन र प्रस्तावित लाभांश प्राप्त गर्न सक्नेछन्।
कम्पनीले सातौं वार्षिक साधारण सभा माघ २९ गते, सोमबार गर्ने भएको छ । उक्त सभा लिसरा ब्यांक्वेट, ज्ञानेश्वर, काठमाडौंमा बिहान ११ बजे शुरु गर्ने जनाएको हो । कम्पनीको माघ ४ गते बसेको संचालक समितिको बैठकले उक्त सभाको मिति तय गरेको हो ।
Published Date: 23 January 2024
