काठमाडौँ, पुस २४ । म्यानचेस्टर युनाइटेड एफए कपको चौथो चरणमा प्रवेश गरेको छ । युनाइटेडले सोमबार विगन एथ्लेटिकलाई २–० ले हराउँदै गर्दै चौथो चरणको यात्रा तय गरेको हो ।
१२ पटकको एफए कप विजेता युनाइटेडलाई जित दिलाउन डियोगो डालोट र कप्तान ब्रुनो फर्नान्डेजले गोल गरे ।
डालोटले २२ औं मिनेटमा गोल गर्दै टोलीलाई अघि बढाएका थिए। दोस्रो हाफमा घरेलु टोली विगन ले बराबरीको राम्रो मौका चुकाएको थियो। मार्सल गोडोले सिक्स यार्डबाट गोल गर्न सकेनन् ।
७४ औं मिनेटमा फर्नान्डेजले पेनाल्टीमा गोल गर्दै अन्तर बढाएका थिए। फर्नान्डेजलाई लिआम साले खराब ट्याकल गरेपछि युनाइटेडले पेनाल्टीको पाएको थियो।
Published Date: 09 January 2024
