मुम्बई, पुस ४ । दक्षिण भारतीय सुपरस्टार प्रभासको नयाँ फिल्म ‘सलारः पार्ट १’ लाई दर्शकले उत्साहका साथ प्रतिक्षा गरिरहेका छन् । यो फिल्ममा प्रभासका साथमा श्रृति हासन, पृथ्वीराज सुकुमारन तथा जगपति बाबू जस्ता कलाकार देखिँदैछन् ।
केहि समय अगाडि ‘सलार’ को पहिलो ट्रेलर रिलीज गरिएको थियो, जसले दर्शकबाट राम्रो प्रतिक्रिया प्राप्त गर्न सफल भएको थियो ।
अहिले निर्माताले ‘सलार’ को दोस्रो ट्रेलर रिलीज गरेका छन् । पहिलो ट्रेलरमा खानसार सम्राज्यको झलक देखाइएको थियो भने अहिले मिल्ने साथीबाट दुश्मन बनेका प्रभास र पृथ्वीराजको लडाईँ र हत्या गरेको देखाइएको छ । दुई मिनेट ५३ सेकेन्ड लामो ट्रेलर रोमाञ्चक छ ।
ट्रेलरमा प्रभासको भव्य एक्शनका साथै श्रृति हासन र जगपति बाबूको पनि झलक देख्न पाइन्छ । ट्रेलरमा विभिन्न सम्बाद पनि सुन्न सकिन्छ । सलार बनेका प्रभासका साथ पृथ्वीराज सुकुमारनको अभिनयले दर्शकको मन जितेको छ । यो ट्रेलर हेरेपछि दर्शक सलार हेर्नका लागि अझ बढी उत्साहित बनेका छन् ।
यो फिल्म यही फिल्म डिसेम्बर २२ अर्थात पुस ६ गते शुक्रवार हिन्दी, तमिल, तेलुगु, कन्नड तथा मलयालम भाषामा रिलीज हुँदैछ ।
