काठमाडौं, मंसिर २४ । प्रधानमन्त्री र उनकी छोरी एनसेलसँग मिलेमतोमा संलग्न रहेको आरोप लगाउने स्वतन्त्र सांसद अमरेशकुमार सिंहले गरेको दाबी प्रधानमन्त्रीको सचिवालयले खण्डन गरेको छ । सचिवालयले एनसेलसँग त्यस्तो कुनै साँठगाँठ नभएको स्पष्ट पारेको छ ।
केही दिनअघि सांसद अमरेशकुमार सिंहले कुनै ठोस प्रमाण पेश नगरी एनसेल प्रकरणमा प्रधानमन्त्री र उनको परिवारलाई फसाएर गम्भीर आपत्ति जनाएका थिए ।
एक कार्यक्रमका क्रममा स्वतन्त्र सांसद सिंहले दाबी गरे, “म यो घटनामा प्रधानमन्त्री र उहाँको परिवारको प्रत्यक्ष संलग्नता रहेको दाबी गर्छु। मसँग प्रमाण छ कि प्रधानमन्त्रीकी छोरी र स्वकीय सचिव गंगा दाहालले केही व्यापारीहरुबाट पैसा लिएको छ। समय आएपछि सबै प्रमाण जनता र सञ्चारमाध्यममा पेश गर्नेछु ।”
यसको जवाफमा प्रधानमन्त्री सचिवालयले एनसेल वा अन्य कुनै व्यक्तिसँग प्रधानमन्त्री वा सचिवालयबाट कुनै पनि भेटघाट वा सामान्य कुराकानीसमेत नगरेको स्पष्ट पारेको छ । सचिवालयले तथ्यगत प्रमाणविना निराधार आरोप प्रत्यारोप नगर्न सम्बन्धित सबै पक्षलाई आग्रह गरेको छ ।
Published Date: 10 December 2023
