काठमाडौँ, मंसिर १६ । नेपाल सुपर लिग एनएसएलमा झापा एफसी र पोखरा थन्सर्डले बराबरी खेलेका छन् । अन्तिम मिनेटमा गोल गर्दै झापाले पोखरालाई १–१ गोलको बराबरीमा रोक्न सफल भएको हो ।
बराबरीको नतिजासँगै झापाले प्रतियोगितामा एक अंक जोडेको छ भने पोखरा शीर्ष स्थानमा उक्लिनबाट रोकिएको छ ।
झापाका लागि खेलको अन्तिम मिनेटमा समन्दर ओचिलोवले बराबरी गोल गरे । पोखराका गोलकिपर प्रिसोबाट फर्किएर आएको बललाई समन्दरले पोस्टको दिशा दिएका थिए । खेलको अन्तिम मिनेटमा पोखरामाथि दबाब बनाएको झापाले बराबरी गोलनै गर्न सफल रह्यो ।
खेलमा अग्रता पोखराले १९ औं मिनेटमा मोसिस टवामको गोलमा लिएको थियो । पोखराले ३ खलबाट ५ अंक जोडेर तालिकाको दोस्रो स्थानमा उक्लिएको छ । तालिकाको पुछारदेखि तेस्रोमा रहेको झापाले २ खेलबाट १ अंक जोडेको छ ।
Published Date: 02 December 2023
