काठमाडौँ, मंसिर १५ । लगातार उच्च विन्दुमा पुगेको सुनको भाउमा गिरावट भएको छ । मंसिर १५ गते, शुक्रबार सुन तोलामा ३०० रुपैयाँले सस्तिएको हो । चाँदीको भाउ भने यस दिन बढेको नेपाल सुनचाँदी व्यवसायी महासंघले जनाएको छ ।
महासंघका अनुसार आज छापावाल सुन प्रतितोला एक लाख १९ हजार रुपैयाँमा झरेको छ । यस्तै, तेजाबी सुन प्रतितोला एक लाख १८ हजार ४५० रुपैयाँमा कारोबार भइरहेको छ ।
बिहीबार भने सुनको भाउ स्थिर रहेको छ । हिजो सुन प्रतितोला एक लाख १९ हजार ३०० रुपैयाँ कायम रहेको थियो । बुधबार सुनकाे भाउमा भने नयाँ रेकर्ड कायम भएकाे थियाे । त्यस दिन सुन प्रतिताेला एक लाख १९ हजार ३०० रूपैयाँकाे उच्चस्तरमा पुगेकाे थियाे ।
साताको अन्तिम कारोबार दिन, चाँदीको मूल्य भने वृद्धि भएको छ । आज चाँदी तोलामा २० रुपैयाँले बढ्दा प्रतितोला एक हजार ५४० रुपैयाँमा खरिदबिक्री हुँदैछ ।
अघिल्लो कारोबार दिन, चाँदीको मूल्य भने स्थिर रहेको छ । बिहीबार चाँदी प्रतितोला एक हजार ५२० रुपैयाँमा किनबेच भएको थियो ।
Published Date: 01 December 2023
