भक्तपुर, कार्तिक २३ । भक्तपुर नगरपालिकाका प्रमुख सुनिल प्रजापतिले पर्यटन शुल्कबाट उठेको रकमबाट पर्यटन विकासका साथै नगरको शिक्षा, स्वास्थ्य, पुनःनिर्माण, सरसफाइ आदिमा खर्च गर्दै आएको बताएका छन्।
आज भक्तपुरको कमलविनायकमा आयोजित एक समारोहलाई सम्बोधन गर्दै प्रमुख प्रजापतिले भक्तपुरमा संसारका धेरै देशबाट सम्पदा अवलोकन गर्न आन्तरिक तथा बाह्य पर्यटकहरु भक्तपुर आउने क्रम तीव्र रुपमा बढिरहेको बताए।
उनले नेपालमा विदेशी सांस्कृतिक अतिक्रमण बढ्दै गएकोतर्फ नयाँ पुस्ता सजग हुनुपर्ने बताउँदै देशलाई जोगाउन यहाँका मौलिक सम्पदा जोगाउनु आवश्यक भएको बताए । सक्रिय व्यक्तिको आयु लामो हुने बताउँदै उनले नगरबासीहरुलाई सक्रिय बनाइराख्न भक्तपुर नपाले विविध गतिविधि सञ्चालनमा जोड दिँदै आएको सोही अवसरमा प्रष्ट पारे।
Published Date: 09 November 2023
