काठमाडौं, कात्तिक ९ । प्रधानमन्त्री पुष्पकमल दाहालले उपप्रधानमन्त्री तथा गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिएका छन् ।
विरामी उपप्रधानमन्त्री श्रेष्ठको स्वास्थ्यलाभको कामना गर्न प्रधानमन्त्री दाहाल आज पुल्चोकस्थित मन्त्री निवास पुगेका हुन् । सो अवसरमा उनीहरुबीच समसामयिक विषयमा छलफल भएको उपप्रधानमन्त्री श्रेष्ठको निजी सचिवालयले जनाएको छ ।
उपप्रधानमन्त्री श्रेष्ठलाई गत असोज १ गते चीन भ्रमणका क्रममा हृदयघात भएको थियो । बेइजिङस्थित पेकिङ युनियन मेडिकल कलेज अस्पतालमा पाँच दिनसम्म उपचारपछि उनी बुधबार स्वदेश फर्किएका हुन् ।
Published Date: 26 October 2023
