काठमाडौँ , कार्तिक ३ । चौधरी ग्रुप (सिजी) ले दशैंको बोनस नदिएको भन्दै सीजी ब्रुअरीका मजदूरहरुले कम्पनी व्यवस्थापनका अधिकारीहरुलाई कुटेका छन् । नवलपरासीको दुम्कौलीस्थित सिजी ब्रुअरीले दशैं बोनस नबाँडेको भन्दै कर्मचारीहरु आन्दोलित भएका हुन् ।
बुधबार बिहानदेखि कारखानामा आन्दोलन गरिरहेका मजदुरले रातिसम्मै परिसरमा नाराबाजी, ढुंगा मुढा र विरोध प्रदर्शन गरेका थिए । तर यसका लागि व्यवस्थापन वार्तामा बस्न नचाहेको मजदूरहरुको दाबी छ । कम्पनीले नाफा कमाइरहे पनि बहानाबाजी गरेर बोनस नबाँडेको आरोप मजदूरहरुको छ । कम्पनीमा तीन सय बढी मजदूर छन् ।
सिजी ग्रुपले ब्रुअरीका कर्मचारीहरुले अनधिकृत माग गर्दै अधिकारीहरुलाई कुटपिट गरेको, अभद्र व्यवहार गरेको र औद्योगिक शान्ति खल्बलाएको बताएको छ । बिक्रीमा २५ प्रतिशत कमी आएको पनि कम्पनीको दाबी छ । मजदूरले कम्पनीका पाँच जना उच्च पदस्थ कर्मचारीलाई हातपात गरेको जनाइएको छ । उक्त सिजी ब्रुअरी नेपालका एक मात्र अर्बपति विनोद चौधरीको कम्पनी हो ।
Published Date: 20 October 2023
