काठमाडौं, असोज ५ । सुनको भाउ लगातार ३ दिन घटेको छ ।
यो ३ दिनमा सुनको भाउ ९ सय रुपैयाँले घट्न पुगेको छ । जसमा बुधबार र बिहीबार सुनको भाउ क्रमशः २०० र ३०० रुपैयाँले घटेको थियो । त्यसैगरी आज शुक्रबार पनि ४०० रुपैयाँले घटेको छ ।
नेपाल सुन–चाँदी व्यवसायी महासंघका अनुसार आज छापावाल सुन प्रतितोला ४०० रुपैयाँले घटेर १ लाख १२ हजार १०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख ११ हजार ५५० रुपैयाँ निर्धारण भएको छ ।
यसअघि, बिहीबार छापावाल सुन १ लाख १२ हजार ५०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख ११ हजार ९५० रुपैयाँ निर्धारण भएको थियो ।
शुक्रबार चाँदीको भाउ भने तोलामा १५ रुपैयाँले बढेर तोलाको १४ सय २५ रुपैयाँ कायम भएको छ । बिहीबार चाँदीको भाउ प्रतितोला १४ सय ५ रुपैयाँ कायम रहेको थियो ।
Published Date: 22 September 2023
