काठमाडौं, असोज ३ । लगातार ४ दिन बढेको सुनको भाउ आज भने घटेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला २०० रुपैयाँले घटेर १ लाख १२ हजार ८०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १२ हजार २५० रुपैयाँ निर्धारण भएको छ ।
यसअघि शुक्रबार, आइतबार, सोमबार र मंगलबार सुनको भाउ क्रमशः प्रतितोला ६००, ५००, २०० र ५०० रुपैयाँले बढेको थियो । यसअघि, मंगलबार छापावाल सुन १ लाख १३ हजार रुपैयाँ कायम रहेको थियो ।
यसैगरी, तेजावी सुनको भाउ तोलाको १ लाख १२ हजार ४५० रुपैयाँ निर्धारण भएको थियो । आज चाँदीको भाउ पनि प्रतितोला ५ रुपैयाँले घटेर १४ सय ५ रुपैयाँ कायम भएको छ । मंगलबार चाँदीको भाउ प्रतितोला १४ सय १० रुपैयाँ कायम रहेको थियो ।
Published Date: 20 September 2023
