काठमाडौं, भदौ ३१ । एशिया कप–२०२३ को उपाधिका लागि आज भारत र श्रीलङ्काबीच कोलम्बोमा भिडन्त हुँदैछ ।
एशिया कपको फाइनल खेल आज आइतवार दिउँसो ३ः१५ बजेदेखि प्रारम्भ हुनेछ ।
श्रीलंका सुपर फोरमा भारतसँग ४१ रनले पराजित भए पनि पाकिस्तानलाई दुई विकेट र बंगलादेशलाई २१ रनले हराउँदै फाइनलमा स्थान बनाएको हो ।
भारतले श्रीलंकालाई ४१ रन तथा पाकिस्तानलाई २ सय २८ रनले हराएको थियो । बंगलादेशसंग भने भारत ६ रनले पराजित भएको थियो ।
श्रीलंकाले २०२२ मा टी–२० तथा भारतले २०१८ मा एकदिवसीय एशिया कप जितेका थिए । यसअघि भारतले ७ पटक र श्रीलङ्काले ६ पटक एशिया कपको उपाधि जितेका छन् ।
Published Date: 17 September 2023
