काठमाडौँ, पुष २६। मंगलबार नेप्से परिसूचक २१.३५ अंक घटेर २१९०.४२ विन्दुमा झरेको छ। त्यसैगरी, सेन्सेटिभ इण्डेक्स ०.७५ अंक घटेको छ भने फ्लोट इण्डेक्स १.३२ अंक र सेन्सेटिभ फ्लोट इण्डेक्स ०.१७ अंक घटेको छ।
१३ उपसमूहमध्ये मंगलबार ११ उपसमूहको परिसूचक घटेको छ भने २ उपसमूहको परिसूचक बढेको छ। बैंकिङ्ग र म्युचुअल फण्ड उपसमूहको भने केहि अंक बढेको छ। कारोबारमा आएको वित्त उपसमूहको परिसूचक सर्वाधिक ४.३१ प्रतिशत घटेको छ। त्यसैगरी, होटल तथा पर्यटन उपसमूहको परिसूचक ३ प्रतिशतभन्दा बढी घटेको छ भने जीवन बीमा, लघुवित्त, निर्जीवन बीमा, अन्य र व्यापार उपसमूहको परिसूचक २ प्रतिशतभन्दा बढी घटेको छ।
