काठमाडौं, भदौ २२ । अनलाइनबाट नक्कली ‘रसीद’ पठाएर रु एक लाख ९५ हजार ५०० ठगी गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा ललितपुर गोदावरी नगरपालिका–७ घर भई हाल काठमाडौं गोठाटार बस्ने २२ वर्षीय सुशन घिमिरे रहेको काठमाडौं उपत्यका अपराध अनुसन्धान कार्यालय मीनभवनका प्रवक्ता प्रहरी उपरीक्षक (एसपी) रवीन्द्र रेग्मीले जानकारी दिए ।
एसपी रेग्मीका अनुसार पक्राउ परेका घिमिरेले सामाजिक सञ्जाल इन्स्टाग्राममा विभिन्न डिजाइनका गरगहना तथा अन्य सामान अनलाइनमार्फत बेचेको नक्कली रसिद पठाएर पीडितलाई ठगी गर्ने गरेको पाइएको छ ।
पक्राउ परेका घिमिरेलाई ठगी मुद्दामा थप अनुसन्धान र कानुनी कारबाहीका लागि जिल्ला प्रहरी परिसर टेकुमा पठाइएको प्रवक्ता एसपी रेग्मीले जानकारी दिए ।
Published Date: 08 September 2023
