काठमाडौं, भदौ २१ । आज देशका केही भू–भागमा वर्षाको सम्भावना रहेको छ ।
जल तथा मौसम विज्ञान विभागका अनुसार बिहान देशभर आंशिकदेखि सामान्य बदली रहेको छ । अहिले कोसी र वाग्मती प्रदेशका केही स्थानमा हल्का वर्षा भइरहेको छ । यस्तै, मधेस र कोसी प्रदेशका तराई भू–भागका थोरै स्थानमा हावाहुरीको सम्भावना पनि रहेको छ ।
दिउँसो देशभर आंशिकदेखि सामान्य बदली रहनेछ । वाग्मती, गण्डकी र लुम्बिनी प्रदेशका थोरै स्थान तथा बाँकी प्रदेशका एकदुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । विभागले आज राति देशभर आंशिकदेखि सामान्य बदली रहने बताएको छ ।
Published Date: 07 September 2023
