काठमाडौं, भदौ २१ । प्रतिनिधिसभाको बैठक आज बस्ने भएको छ ।
दिउँसो १ बजे सुरु हुने बैठकमा सांसदहरुले चार मन्त्रीलाई प्रश्न गर्ने कार्यक्रम छ ।
आजको बैठकमा संसद सचिवालयका अनुसार कृषि तथा पशुपन्छी विकास मन्त्रालय, श्रम, रोजगार तथा सामाजिक सुरक्षा मन्त्रालय, अर्थ मन्त्रालय र ऊर्जा, जलस्रोत तथा सिँचाइ मन्त्रालयका सम्बन्धित मन्त्रीले मौखिक प्रश्नको जवाफ दिने कार्यसूची रहेको छ ।
त्यसैगरी प्रधानमन्त्री पुष्पकमल दाहालले राष्ट्रिय महिला आयोगको आर्थिक वर्ष २०२२/२३ को १५औँ वार्षिक प्रतिवेदन आज पेस गर्ने कार्यसूची रहेको संसद सचिवालयले जनाएको छ ।
Published Date: 07 September 2023
