काठमाडौँ , भदौ १७ । काठमाडौंको पेप्सीकोला–काँडाघारी सडकखण्डमा आज बिहान एकसाथ चार सवारीसाधन आपसमा ठोक्किँदा घाइते भएकामध्ये एक जनाको मृत्यु भएको छ ।
उपत्यका ट्राफिक प्रहरी कार्यालयका प्रवक्ता वरिष्ठ प्रहरी उपरीक्षक राजेन्द्रप्रसाद भट्टका अनुसार दुर्घटनामा बा. प्र ०२–०४१ प ४८३८ नम्बरको मोटरसाइकल चालक वर्ष २६ का पुरुष व्यक्तिको मृत्यु भएको हो । उनको सनाखत भइसकेको छैन । दुर्घटनामा पाँच जना घाइते भएका छन् भने तीमध्ये दुई जनाको अवस्था गम्भीर छ ।
१. जि.काभ्रे कोशीपारि घरभई हाल मूलपानी बस्ने वर्ष २५ की स्वस्थानी खड्का, हातखुट्टा चिउँडोमा चोट, बोल्न नसक्ने ।
२. दोलखा घर भई हाल हरहरमहादेव बस्ने वर्ष २५ उषा थापा– हात–टाउको–खुट्टामा चोट, बोल्न नसक्ने ।
३. दोलखा भीमेश्वर न.पा. घरभई हाल इमाडोल बस्ने वर्ष ५२ का कुमारबहादुर खाती– ढाड र हातमा चोट अवस्था सामान्य ।
४. उदयपुर गाइघाट घरभई हाल काडाघारी बस्ने वर्ष २३ की कल्पना विक– भित्रि चोट, अवस्था सामान्य ।
५. मकवानपुर घर भई हाल पेप्सीकोला बस्ने वर्ष १९ की रमिता प्रजा– हातमा चोट ।
Published Date: 03 September 2023
