काठमाडौँ, भदौ ८ । चालु आर्थिक बर्षको पहिलो महिना ११० ओटा मात्रै विद्युतीय गाडी नेपाल भित्रिएका छन् । भन्सार विभागको तथ्याङ्क अनुसार गत आर्थिक बर्ष २०७९/८० को साउन महिनाकाे तुलनामा याे साउन महिनामा विद्युतीय गाडीको आयात आधाले कमी आएकाे पाइएको हो ।
गत आव आर्थिक बर्ष २०७९/८० काे साउन महिनामा २११ वटा विद्युतीय कार भित्रिएका थिए ।भन्सार विभागको तथ्याङ्क अनुसार याे साउनमा ५० किलोवाटसम्मका गाडी २१ गाडी भित्रिएको तथ्याङ्कमा उल्लेख छ । त्यस्तै ५१ देखी १०० किलोवाटसम्मका भने ८१ ओटा भित्रिएका छन्।
विभागका अनुसार १०० किलोवाट भन्दा माथीका ७ ओटा गाडी भित्रिएका छन्। साउनमा ३४ करोड रुपैयाँको विद्युतीय गाडी आयात भएका छन्।
अघिल्लो वर्ष ६२ करोड रुपैयाँ बराबरका विद्युतीय गाडी आयात भएका थिए। नेपालमा विक्री हुने ब्रान्डमा भारतबाट मुख्यत टाटा, चीनबाट बीवाईडी, एमजी, नेटा भी भित्रने गरेका छन्।
