काठमाडौँ, भदौ ६ । काठमाडौंबाट पोखरा जाँदै गरेको बस धादिङको गजुरीनजिकैबाट त्रिशूली नदीमा खसेको छ । धादिङको गजुरी गाउँपालिका-१ चालीसेछहराबाट त्रिशूली नदीमा बस खसेको जिल्ला प्रहरी कार्यालय धादिङका प्रमुख एसपी गौतम मिश्रले जानकारी दिए ।
अहिले घाइतेहरूको उद्धार भइरहेको एसपी मिश्रले बताए । ‘त्रिशूली नदीमा बस खसेको छ । अहिले घाइतेहरूको उद्धार भइरहेको छ । केहीलाई अस्पताल लगिएको छ । केही सिरियस घाइते पनि छन्,’ एसपी मिश्रले भने ।
Published Date: 23 August 2023
