काठमाडौँ, साउन २५ । राष्ट्रपति रामचन्द्र पौडेल र प्रधानमन्त्री पुष्पकमल दाहालबीच भेटवार्ता भएको छ । केहीबेरअघि प्रधानमन्त्री दाहाल शितल निवास पुगेका छन् ।
सुन तस्करी प्रकरणमा प्रमुख प्रतिपक्षी दल नेकपा एमालेले निरन्तर संसद् अवरुद्ध पारिरहेका बेला प्रधानमन्त्री दाहालले राष्ट्रपति पौडेललाई भेटेका हुन् ।
राष्ट्रपतिको सचिवालयले भने यो भेटलाई नियमित भेटवार्ता रहेको जनाएको छ । ‘यो नियमित भेटवार्ता हो । खास छलफलको विषय केही छैन,’ सचिवालयले भन्यो ।
Published Date: 10 August 2023
