काठमाडौं, साउन २३ । सत्तारुढ दल र प्रमुख प्रतिपक्षी दलबीच सहमति भएपछि संसदीय समितिका सभापति चयनको तयारी भइरहेको छ । सोमबार बसेको शीर्ष नेताहरुको बैठकमा नेपाली कांग्रेसले चार समिति, एमाले तीन समिति र माओवादी केन्द्रले दुई समितिको अध्यक्षता गर्ने सहमति भएको थियो । त्यसैगरी जनता समाजवादी पार्टी, एकीकृत समाजवादी पार्टी र जनता पार्टीले एक–एक समितिको अध्यक्षता गर्नेछन् ।
राष्ट्रिय स्वतन्त्र पार्टी र राष्ट्रिय प्रजातन्त्र पार्टीले एक–एक समिति अध्यक्ष दावी गरे पनि संसदीय समितिको अध्यक्षता पाएका छैनन् ।
प्रारम्भिक सहमतिअनुसार कांग्रेसले अर्थ समिति, कृषि, सहकारी तथा प्राकृतिक स्रोत समिति, विधायी व्यवस्थापन समिति र संयुक्त समितिको अध्यक्षता गर्ने सहमति भएको छ ।
त्यसैगरी एमालेले राज्य निर्देशन प्रमुख, संयुक्त समिति, सार्वजनिक लेखा समिति र महिला तथा सामाजिक मामिला समितिअन्तर्गतको नियम तथा दायित्व समितिको अध्यक्षता गर्ने सहमति भएको छ ।
त्यस्तै कानुन, न्याय तथा मानवअधिकार समिति र पूर्वाधार विकास समितिको अध्यक्षता नेकपा (माओवादी केन्द्र)ले गर्ने सहमति भएको छ ।
विदेश सम्बन्ध तथा पर्यटन समितिको अध्यक्षता जनता समाजवादी पार्टी (जसपा)ले गर्नेछ ।
प्रतिनिधिसभाको बैठक प्रारम्भ भएसँगै समितिमा रहेका सदस्यको नाम परिवर्तन र संसदीय समितिको अध्यक्षको निर्वाचनको मिति तय गर्ने तयारी भइरहेको स्रोतले जनाएको छ ।
Published Date: 08 August 2023-
Icon Khabarhttps://iconkhabar.com/author/iconkhabar1
-
Icon Khabarhttps://iconkhabar.com/author/iconkhabar1
-
Icon Khabarhttps://iconkhabar.com/author/iconkhabar1
-
Icon Khabarhttps://iconkhabar.com/author/iconkhabar1