पोखरा, असार १५ । गण्डकी प्रदेश सरकारको नेतृत्वमा आज सातै प्रदेशका मुख्यमन्त्रीको बैठक पोखरामा बस्दैछ ।
बैठकको प्रधानमन्त्री पुष्पकमल दाहालले उद्घाटन गर्ने गण्डकी प्रदेश सरकारका प्रवक्ता सरस्वती अर्यालले जानकारी दिए । उनले मुख्यमन्त्रीहरुबीच छलफल र अन्तरक्रिया हुने बताए । बैठकमा प्रदेशबीच अनुभव आदानप्रदान, संविधानबमोजिम प्रदेशले पाउनुपर्ने अधिकारलगायत विषयमा छलफल हुने बताइएको छ ।
यसअघि जेठ १० गते मुख्यमन्त्रीको बैठक बस्ने भनिएपनि प्रधानमन्त्री दाहालको व्यस्तताका कारण बैठक स्थगित भएको थियो । बैठक दोस्रो पटक बस्न लागेको हो ।
गण्डकी प्रदेशका तत्कालीन मुख्यमन्त्री पृथ्वीसुब्बा गुरुङको पहलमा २०७४ भदौ २२ र २३ गते सातवटै प्रदेशका मुख्यमन्त्रीको पहिलो सम्मेलन भएको थियो । सम्मेलनले आठ बुँदे घोषणापत्र समेत जारी गरेको थियो ।
Published Date: 30 June 2023
