पाँचथर, असार १३ । मेची राजमार्गअन्तर्गत पाँचथरको हेवाखोलामा फेरि सवारी आवागमन पूर्णरुपमा अवरुद्ध भएको छ । मंगलबार राति हेवा खोलामा आएको बाढीले डाइभर्सनमा क्षति पुर्याएपछि फेरि सवारी आवागमन अवरुद्ध भएको छ ।
सवारी आवागमन सुचारु गर्न मंगलबारदेखि नै डाइभर्सन सञ्चालनमा ल्याइएको जिल्ला प्रहरी कार्यालयका प्रहरी नायब उपरीक्षक हरि खतिवडाले जानकारी दिए ।
मेची राजमार्गको फिदिम–ताप्लेजुङ खण्डमा सवारी आवागमन अवरुद्ध भएकाले सवारीसाधन नचलाउन प्रहरीले आग्रह गरेको छ ।
मेची राजमार्गअन्तर्गत फिदिम–ताप्लेजुङ सडकखण्डको हेवाखोलामा गत असार १ गते आएको बाढीले पुल र सडक बगाएपछि अवरुद्ध भएको थियो । चार दिनको प्रयासमा डाइभर्सन बनाएपछि मंगलबारदेखि सवारी आवागमन सुचारु भएको हो ।
प्रहरीले जोखिमलाई मध्यनजर गर्दै मंगलबार रातिदेखि सवारी आवागमनमा रोक लगाएको हो ।
Published Date: 28 June 2023
