काठमाडौँ, जेठ ३२ । स्ट्याण्डर्ड चार्टर्ड बैंकले निक्षेपको ब्याजदर घटाएको छ। बैंकले असार महिनाको लागि मुद्दति निक्षेपमा ब्याजदर घटाएको हो।
बैंकले मुद्दति निक्षेपको ब्याजदर १ प्रतिशत विन्दु घटाएको हो। बैंकले जेठ महिनामा ८.९९ प्रतिशत रहेको ९१ दिनको मुद्दति निक्षेपको ब्याजदर घटाएर ७.९९ प्रतिशतमा झारेको छ। त्यसैगरी, बैंकले १२१ देखि ३६४ दिनको मुद्दति निक्षेप तथा १ वर्षभन्दा बढी अवधिको निक्षेपको ब्याजदर ९.९९ प्रतिशतबाट घटाएर ८.९९ प्रतिशतमा झरेको छ।
त्यसैगरी, संस्थागत मुद्दति निक्षेपको ब्याजदर पनि ७.९९ प्रतिशतबाट घटेर ६.९९ प्रतिशतमा झारेको छ।