सामाजिक सुरक्षा भत्ता कटौती हुँदैन: अर्थमन्त्री डा महत

काठमाडौँ, वैशाख २६ । अर्थमन्त्री डा प्रकाशशरण महतले सामाजिक सुरक्षा भत्ता कटौती नहुने बताएका छन । राष्ट्रियसभामा बजेटका सिद्धान्त र प्राथमिकतामाथि उठेका प्रश्नहरुको मंगलबार जवाफ दिँदै उनले यस्तो बताएका हुन् ।

सामाजिक सुरक्षाका विषयमा केही आशंका उठेका छन्,तर हामीले प्रतिवद्धता गरेका सामाजिक सुरक्षाका विषय कटौती हुँदैन’ उनले भने, हामीले बोलिसकेका कुराबाट पछि हट्दैनौं ।’

उनले सरकार साधारण खर्च घटाउने र पूँजीगत खर्च प्रभावकारी बनाउने तर्फ केन्द्रत रहेको बताए ।