काठमाडौं, वैशाख १५ । राष्ट्रिय स्वतन्त्र पार्टीका सभापति एवं नवनिर्वाचित सांसद रवि लामिछानेले आफ्नो पार्टीले सरकारलाई दिएको समर्थन फिर्ता लिने सम्भावना रहेको बताएका छन् ।
शुक्रबार संसदको सपथ ग्रहणपछि राप्रपाले वर्तमान सरकारलाई दिएको समर्थन फिर्ता लिने सम्भावना रहेको अध्यक्ष लामिछानेले बताए ।
उनले भ्रष्टाचार अन्त्यका लागि आफू र आफ्नो पार्टीलाई मतदाताले भोट दिएको उल्लेख गर्दै सरकारले भ्रष्टाचार अन्त्य गर्ने विषयलाई साझा न्यूनतम कार्यक्रमबाट हटाएकोले आफ्नो आपत्ति रहेको बताए । उनले सरकारले दिएको सहयोगको गम्भीर समीक्षा गरेर मात्रै अगाडि बढ्ने स्पष्ट पारे ।
उनले भने, ‘हामीले आमजनतासँग भोट मागेको बेलामा हाम्रो सबैभन्दा महत्वपूर्ण मुद्दा र आम जनताले हामीलाई भोट दिएका छन् भन्ने हाम्रो विचारमा मुलुकको भ्रष्टाचार अन्त्य गर्ने विषय हो । जसमा हामीले जुनसुकै अवधिमा भएको वा हुनसक्ने भ्रष्टाचारको छानबिन हुनुपर्छ भन्यौँ ।
तर, सरकारले न्यूनतम साझा कार्यक्रमबाट भ्रष्टाचार छानबिन गर्ने प्रावधान हटायो । यस विषयमा हाम्रो गम्भीर आपत्ति छ । किनभने मतदाताले सकारात्मक परिवर्तनको आशामा हामीलाई संसदमा पठाएका छन् ।”
उनले देशमा अस्थिरता नचाहे पनि सरकारले दिएको सहयोगको पुनर्मूल्यांकन गर्नुपर्ने बताए ।
शुक्रबार सभामुख देवराज घिमिरेले चितवन क्षेत्र नं २ बाट निर्वाचित रास्वपा सभापति लामिछाने र तनहुँ क्षेत्र नं १ बाट राप्रपाका स्वर्णिम वाग्लेलाई पद तथा गोपनीयताको शपथ गराए ।
Published Date: 28 April 2023
