काठमाडौँ, वैशाख १० । स्वास्थ्य तथा जनसङ्ख्या मन्त्रालयले जारी गरेको जानकारी अनुसार नेपालमा आइतबार ८१ जनामा कोभिड–१९ को सङ्क्रमण पुष्टि भएको छ भने ५४ जना निको भएका छन् ।
कोभिड–१९ का लागि एकै दिन १ हजार ३०६ स्वाबको नमूना परीक्षण गरिएको थियो । तीमध्ये ४१ पीसीआर र ४० एन्टिजेन परीक्षणमा भाइरस पोजेटिभ देखिएको हो ।
हाल देशभर कोभिड-१९ का ३७० सक्रिय केसहरू छन्। तीमध्ये २२ जना संस्थागत आइसोलेसनमा, तीन जना आईसीयूमा र एक जना भेन्टिलेटरमा छन् ।
यसैबीच, स्वास्थ्य मन्त्रालयले सबैलाई सावधानी अपनाउन र कोभिड-१९ खोपको बुस्टर डोज पनि लिन आग्रह गरेको छ ।
Published Date: 23 April 2023
