काठमाडौं, कार्तिक १० । नेपाल आयल निगमले खाना पकाउने एलपी ग्यास बिक्री गर्दा उपभोक्तालाई अनिवार्य रूपमा भ्याट बिल जारी गर्न सबै ग्यास उद्योगलाई निर्देशन दिएको छ।
ग्यास विक्रेताले बिक्रीपछि बिल नदिएको गुनासो बढेपछि निगमले उद्योगहरूलाई आफ्ना डिलर तथा विक्रेतामार्फत अनिवार्य बिल दिने व्यवस्था मिलाउन निर्देशन दिएको हो।
उपभोक्ता ठगी तथा कालोबजारीको जोखिम घटाउँदै बजारमा पारदर्शिता कायम गर्न भ्याट बिल अनिवार्य गरिएको निगमले जनाएको छ। निगमले यसअघि पनि ३० साउन २०८१ र १० माघ २०८१ मा यस्तो व्यवस्था कार्यान्वयन गर्न सम्बन्धित निकायलाई पत्राचार गरेको जनाएको छ।
