काठमाडौं, वैशाख १० । सञ्चार उपकरणमा समस्या आएपछि त्रिभुवन अन्तर्राष्ट्रिय विमानस्थलको हवाई सेवा अवरुद्ध भएको छ ।
जसका कारण आन्तरिक तथा बाह्य उडान प्रभावित भएको विमानस्थल स्रोतले जनाएको छ । एरिया एप्रोच सेन्टर र हवाइजहाजसँग सम्पर्क स्थापित गर्ने कन्ट्रोल अप्रोच सेन्टरमा समस्या आएपछि उडान र अवतरण रोकिएको छ ।
काठमाडौंका लागि उडेका केही हवाईजहाजलाई उडेको विमानस्थलमा नै फिर्ता पठाएको बताइएको छ ।
टावरबाट नजिकै रहेका हवाईजहाजसँग सञ्चार स्थापना गर्ने फ्रिक्वेन्सीले काम नगरेपछि उडान प्रभावित भएको हो ।
Published Date: 23 April 2023
