काठमाडौं, चैत २६ । व्यापारी दुर्गा प्रसाईंसँग दुई करोड रुपैयाँ माग गरेको अडियो क्लिप बाहिरिएपछि राष्ट्रिय स्वतन्त्र पार्टीले सांसद ढाका कुमार श्रेष्ठलाई २४ घण्टाभित्र स्पष्टिकरण दिन आग्रह गरेको छ ।
राष्ट्रिय स्वतन्त्र पार्टीले आइतबार दिउँसो एक विज्ञप्ति जारी गरी सार्वजनिक भएको अडियोलाई पार्टीले गम्भीरतापूर्वक लिएको जनाएको छ । टेलिफोन वार्ताको विषयमा छानबिन गरी तीन दिनभित्र प्रतिवेदन केन्द्रीय समितिलाई बुझाउन पार्टीको केन्द्रीय अनुशासन तथा आचार समितिलाई निर्देशन दिइएको रास्वपाले जनाएको छ ।
छानबिन नभएसम्म श्रेष्ठलाई सांसद र पार्टीको साधारण सदस्यको भूमिकामा नरहन निर्देशन दिइएको छ । साथै २४ घण्टाभित्र केन्द्रीय अनुशासन तथा आचरण समितिमा स्पष्टीकरण पेश गर्न भनिएको छ ।
Published Date: 09 April 2023
