धनुषा, चैत्र ३ । मधेस प्रदेश सरकारले नेपाली क्रिकेट टोलीका खेलाडी गुलसन झा र आरिफ शेखलाई नगद पुरस्कार दिने घोषणा गरेको छ।
प्रदेश सरकारले पुरुष एकदिवसीय क्रिकेट विश्वकप छनोटमा नेपाल छनोट भएकोमा खुशी व्यक्त गर्दै झा र शेखलाई जनही दुई लाख रुपैयाँ नगद पुरस्कार दिने घोषणा गरेको छ । मधेस प्रदेशका दुवै खेलाडीलाई प्रोत्साहन स्वरुप नगद पुरस्कार दिने निर्णय भएको हो ।
मुख्यमन्त्री सरोजकुमार यादवले युएईविरुद्धको खेलमा नेपाली क्रिकेट टोलीले जित हासिल गरेकोमा बधाई दिँदै दुई खेलाडीलाई नगद पुरस्कारको घोषणा गरेका छन् ।
Published Date: 17 March 2023
