कालीकोट, चैत १ । कालीकोटमा अनलाइन राजस्व भुक्तानी प्रणाली सुरु भएको छ । नेपाल सरकारको डिजिटल नेपाल फ्रेमवर्कलाई सफल बनाउन बुधबारदेखि अनलाइन कर भुक्तानी प्रणाली सुरु भएको हो ।
कालिकोट जिल्लामा अनलाइन राजस्व प्रणाली अन्तर्गत ट्राफिक प्रहरी जरिवाना, राहदानी तथा अन्य सरकारी कार्यालयको राजस्व दाताले अनलाइन सेवामार्फत तिर्न सक्नेछन् ।
अब ग्राहकले अनलाइन र बैंक दुवै माध्यमबाट राजस्व तिर्न सक्नेछन् । जसबाट राजस्व तिर्ने कार्यालय, सम्बन्धित बैंक र राजस्व तिर्ने व्यक्तिको खातामा राजस्व जम्मा भएको छ वा छैन भनी निर्धारण गर्न सकिन्छ।
Published Date: 15 March 2023
