काठमाडौँ, चैत १ । प्रधानमन्त्री पुष्पकमल दाहाल ‘प्रचण्ड’ ले चैत ६ गते,साेमबार विश्वासको मत लिने भएका छन् । एमाले र राप्रपाले प्रधानमन्त्रीमाथिको समर्थन फिर्ता लिएपछि प्रधानमन्त्रीले विश्वासको मत लिने भएका हुन् ।
कांग्रेस नेतृत्वका साथ नयाँ गठबन्धन बनेपछि सरकारबाट एमाले, राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) बाहिरिसकेका छन् । रास्वपा भने सरकारबाट बाहिरिएपनि समर्थन भने कायमै राखेको छ ।
विश्वासको मत लिएपछि मात्र मन्त्रिमण्डल विस्तार गरिने भएको छ । प्रधानमन्त्री प्रचण्डले आफ्ना पार्टीका सांसद तथा मन्त्रीलाई आउँदाे साेमबार अन्य कुनै कार्यक्रम नपार्न निर्देशन दिइसकेका छन् ।
Published Date: 15 March 2023
