विराटनगर, चैत १ । विराटनगर महानगरपालिकाका मेयर नागेश कोइरालाले विराटनगर–५ मा हुलाकी सडक निर्माणलाई तीव्रता दिन ठेकेदारलाई निर्देशन दिएका छन् ।
मेयर कोइरालाले ठेकेदारका प्रतिनिधिलाई महानगरीय कार्यालयमा बोलाएर निर्माण कार्यलाई तीव्रता दिन निर्देशन दिएका हुन् । कोइरालाले गुणस्तरीय सडक नहुँदा स्थानीय जनताको समस्यालाई ध्यानमा राखी निर्माणलाई तीव्रता दिन ठेकेदारलाई आग्रह गरे ।
कोइरालाले विराटनगर–५ गणेशचोकदेखि केशलिया पुलसम्मको ३.१९५ किलोमिटर हुलाकी सडक निर्माणमा देखिएका चुनौतीका बारेमा ठेकेदार प्रतिनिधिसँग पनि छलफल गरेका थिए ।
निर्माण सम्पन्न गरिसक्नु पर्ने जिम्मा भूमि कन्स्ट्रक्सनलाई दिइएको थियो तर, निर्माणाधीन काम अलपत्र परेपछि भूमि कन्स्ट्रक्सनले सञ्चारविहीन भएपछि निर्माणको जिम्मा देव र सागर कन्स्ट्रक्सनलाई दिएको इञ्जिनीयरले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
