काठमाडौं, फागुन ३० । नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार बहुमूल्य पहेँलो धातुको मूल्य तोलामा ६ सय रुपैयाँ (करिब ११ दशमलव ६६ ग्राम) ले बढेको छ ।
मंगलबार छापावाल सुनको मूल्य प्रतितोला १ लाख ५ हजार ७ सय रुपैयाँ पुगेको छ । त्यस्तै, तेजावी सुनको मूल्य प्रतितोला १ लाख ५ हजार २ सय रुपैयाँ पुगेको छ ।
चाँदीको भाउ तोलामा ४५ रुपैयाँले बढेर प्रतितोला १ हजार ३ सय रुपैयाँमा कारोबार भइरहेको छ ।
Published Date: 14 March 2023
