काठमाडौं, फागुन २९ । राष्ट्रपतिमा निर्वाचित भएका रामचन्द्र पौडेलले आफ्नो सपथ ग्रहण समारोहमा आफूसँगै जीवनभर जेल जीवन बिताएका सबैलाई निमन्त्रणा गरेका छन् ।
उनले सोमबार (आज) दिउँसो १ बजे राष्ट्रपति निवास शितल निवासमा हुने सपथ ग्रहण समारोहमा पञ्चायती व्यवस्था अन्तर्गत जेल परेका बेला आफूसँगै रहेका व्यक्तिहरुलाई अतिथिका रुपमा बोलाएका हुन् ।
नवनिर्वाचित राष्ट्रपतिलाई कायममुकायम प्रधानन्यायाधीश हरिकृष्ण कार्कीले पद तथा गोपनियताको सपथ खुवाउनेछन् । समारोहमा इन्दु शर्मा, गोविन्द कँडेल, रघुपति शर्मालाई आमन्त्रण गरिएको अध्यक्ष पौडेलले जानकारी दिए ।
‘राष्ट्रपति पौडेलसँगै जेलमा रहेका इन्दु शर्मा, गोविन्द कँडेल, रघुपति शर्मा थिए,’ उहाँका एक सहयोगीले भने, ‘हामीले सपथ ग्रहण समारोहमा निम्तो दिएका छौं ।
‘बाग्लुङ कारागार पौडेलमा दूध पुर्याउने दिलप्रसाद सापकोटालाई पनि बोलाइएको छ ।
Published Date: 13 March 2023
