काठमाडौं, फागुन २९ । जनता समाजवादी पार्टी (जसपा)बाट उपराष्ट्रपति पदका दुई उम्मेदवारमध्येका एक रामसहयप्रसाद यादवले आफ्नो लागि भोट खोज्न शीर्ष नेताहरूसँग भेटघाटलाई तीब्र बनाएका छन् ।
जसपा संसदीय दलका नेता समेत रहेका यादवले सोमबार बिहान प्रधानमन्त्री पुष्पकमल दाहालसँग भेट गरेका थिए । उनले सिंहदरबारमा प्रधानमन्त्रीलाई भेटेर भोट मागेका हुन् ।
त्यसअघि उनले नेकपा (एकीकृत समाजवादी)का अध्यक्ष माधवकुमार नेपालसँग पनि भेट गरेका थिए ।
सत्तारुढ गठबन्धनबाट जसपाका रामसहयप्रसाद यादव र प्रमिलाकुमारी यादव र जनमत पार्टीकी ममता झाले उम्मेदवारी दिएका छन् । नेकपा एमालेका तर्फबाट अष्टलक्ष्मी शाक्यले उम्मेदवारि दिएकी छिन्।
Published Date: 13 March 2023
