भक्तपुर, फागुन २८ । भक्तपुर नगरपालिकाले अल नेपाल नोभिस महिला तथा पुरुष बक्सिङ प्रतियोगितामा सहभागी खेलाडीहरुलाई मार्गनिर्देशन तथा खेल सामाग्री वितरण कार्यक्रम सम्पन्न गरेको छ ।
प्रदेश खेलकुद विकास परिषद् बागमती प्रदेश हेटौडामा मकवानपुर जिल्ला बक्सिङ संघको आयोजनामा २०७९ फागुन ३० गतेदेखि चैत्र ४ गतेसम्म हुने अल नेपाल नोभिस महिला तथा पुरुष बक्सिङ प्रतियोगितामा भक्तपुर नगरपालिकाबाट सहभागी खेलाडीहरुलाई उक्त कार्यक्रम आइतबार भनपा सभाकक्षमा भएको थियो ।
कार्यक्रममा भक्तपुर नपाका प्रमुख सुनिल प्रजापतिले प्रतियोगितामा सहभागी हुने खेलाडीहरुलाई नपाको लोगो अंकित ट्रयाक सुट वितरण गरेका थिए । उक्त प्रतियोगिताअन्तर्गत पुरुषतर्फका खेलाडीहरु विकल भोयद्यो, सक्षम भुजेल, सफल मगर र प्रवेश बस्नेत र महिला खेलाडीतर्फ भावना भण्डारी सहभागी हुँदैछन् ।
