काठमाडौँ, फागुन २५ । बिहीबार सुन तोलामा ५०० रुपैयाँले घटेको छ। पछिल्लो तीन दिनमा नै सुन प्रतितोला एक हजार ८०० रुपैयाँले घटेको नेपाल सुनचाँदी व्यवसायी महासंघले जनाएको छ ।
महासंघका अनुसार आज बिहिबार छापावाल सुन प्रतितोला एक लाख एक हजार रुपैयाँमा र तेजाबी सुन प्रतितोला एक लाख ५०० रुपैयाँमा कारोबार भइरहेको छ ।
बुधबार पनि सुन तोलामा नै एक हजार रुपैयाँले ओरालो लागेको थियो । हिजो सुन प्रतितोला एक लाख एक हजार ५०० रुपैयाँमा झरेको थियो । मंगलबारदेखि सुनको भाउ लगातार घटेको हो ।
यसैगरी, चाँदीको भाउ पनि बिहीबार सस्तिएको छ । आज चाँदी तोलामा पाँच रुपैयाँले गिरावट भएर प्रतितोला एक हजार २२० रुपैयाँमा खरिदिबक्री भइरहेको छ ।
Published Date: 09 March 2023
